Әнші Алмас Кішкенбаев 15 тәулікке қамалды, деп хабарлайды Kaztoday.kz.
Алматы қаласының әкімшілік құқық бұзушылық істер жөніндегі мамандандырылған ауданаралық соты жабық түрде әнші Алмас Кішкенбаевқа қатысты әкімшілік құқық бұзушылық туралы істі қарады.
Соттың мәліметінше, Алмас Кішкенбаевқа ӘҚБтК-нің 434-бабының 1-бөлігінде көзделген әкімшілік құқық бұзушылықты жасағаны үшін кінәлі деп танылып, оған 15 тәулікке қамауға алу жазасы тағайындалды.
Әнші Алмас Кішкенбаевтың мас күйінде бола тұра, ӘҚБтК-нің 434-бабының 1-бөлігінде қоғамдық тәртіп пен тыныштықты бұзатын жеке тұлғаларға зәбірлеп тиiскені анықталды. Сотта ол оқиғаның есінде жоқ екенін айтқан.
