Маңғыстау облысында оқушы мектепке бармағаны үшін айыппұл салынды, деп хабарлайды Kaztoday.kz.
Маңғыстау облысында 15 жастағы мектеп оқушысы екі аптадан астам уақыт сабаққа қатыспаған. Ауданаралық сот жасөспірімнің ата-анасына айыппұл салды.
Мамандандырылған ауданаралық сотта оқушының ата-анасына қатысты іс ҚР ӘҚБтК-нің 127-бабының 2-бөлігі «Кәмелетке толмаған балаларды тәрбиелеу және (немесе) оқыту жөніндегі міндеттерді орындамау» бойынша қаралды.
Жасөспірім сабаққа 17 күн бойы қатыспаған. Соттың баспасөз қызметінің мәліметінше, бұл жалғыз оқиға емес.
«Қыз баланың ата-анасы кінәсін толық мойындады. Оған 55 380 теңге көлемінде әкімшілік айыппұл салынды», – деп хабарлады ведомство.
