Полицияның мәліметінше, бұл жағдай Еңбекшіқазақ ауданы Азат ауылында өткен жерлеу рәсімі кезінде болған. Сол күні автокөлік иесіне материалдық залал келтірілген.
«Бұл іс-әрекет әкімшілік жауапкершілік шегінен шығып, қылмыстық жауапкершілікке әкеп соқты. Қазіргі уақытта оқиғаның барлық мән-жайы жан-жақты және объективті тергелуде», – деп мәлімдеді полиция департаменті.
Еске салайық, Қаржаубай Нұрымов бұған дейін жерлеу рәсімі кезінде қоғамдық тәртіпті бұзғаны үшін 15 тәулікке қамалған болатын. Сонымен қатар, 4 қазан күні Шерзат Болаттың ағасы Талғар маңында өлі күйінде табылған еді.
Бұл оқиғалар құқық қорғау органдарының бақылауында болып, қылмыстық және әкімшілік істер бойынша тергеу жалғасуда.
