Ауруханада жатқан зейнеткердің 13 миллион теңгесін ұрлап алған, деп хабарлайды Kaztoday.kz.
Екібастұз тұрғыны өзінің жеке шотындағы қомақты қаржыны ұрлап кеткенін айтып шағымданған.
Павлодар облыстық полиция депаратаменті баспасөз қызметінің мәліметінше, зейнеткер 28 қараша мен 2 желтоқсан аралығында ауруханада ем алған. Полицейлер онымен бір палатада болған адамдардан жауап алған. Нәтижесінде ақшаны ұрлаған адам анықталды.
«Ол зейнеткердің «Каспи» мобильді қосымшасындағы шотына кіріп, ақшаны жымқырған. Әйел ұрлығы ашылып, оны тауып алады деп ойламағанын мойынады», — делінген полиция хабарламасында.
