Елімізде 25 мың қызметкердің жалақысы өседі, деп хабарлайды Kaztoday.kz.
Су ресурстары және ирригация министрі Нұржан Нұржігітовтің айтуынша, су саласындағы 25 000 қызметкердің жалақысы орта есеппен 35-50% өседі.
«Бұрын маусымдық жұмысшылар жылына 6-8 ай ғана жұмыс істейтін. Енді барлығы тұрақты жұмыспен қамтылады. Министрлік су шаруашылығы мамандарының еңбек жағдайын жақсарту шараларын қабылдап жатыр. Жаңа техника сатып алынуда, ал қыркүйек айында «Табиғи монополиялар туралы» заңға өзгерістер күшіне енеді. Осы өзгерістерге сәйкес, су саласындағы 25 000 қызметкердің жалақысы орта есеппен 35-50% өседі», – деді Су ресурстары және ирригация министрі Нұржан Нұржігітов.
