Масайған жастар ұлы Абайдың ескерткішіне мініп, бұзақылық жасаған, деп хабарлайды kaztoday.kz.
Петропавлда 1 қаңтар күні кешке Тәуелсіздік стеласының маңындағы мұз қалашығында масайған жастар бұзақылып жасап ұсталған. Жас жігіттер ұлы Абай мен Пушкиннің ескерткішіне мініп, суретке түскен. Оларды серуендеп жүрген қала тұрғындары көріп қалған. Олардың сөзінше, жастар боқтық сөздер айтып, өздерін мәдениетсіз ұстаған.
Жаяу жасақ оларды бейнебақылау инспекторларының көмегімен ұстады.
Ұсталғандарға қатысты қоғамдық орында мас күйде болғандары және ұсақ бұзақылық үшін хаттамалар толтырылды.
Сондай-ақ біраз уақыт бұрын көрші елдердің бірінен Петропавлға келген жастардың үшеуінің де Қазақстан аумағында болу мерзімі аяқталғаны анықталды. Олар бұл бұзушылықтары үшін де әкімшілік жауапкершілікке тартылатын болады.
