Оның айтуынша, тәрбиешілер баланы дәретханаға қамап, дөрекілік көрсеткен. Бұл оқиға қоғамда үлкен резонанс тудырды.
Ата-ана өзінің жазбасында:
«Балама тәрбиеші Зәуре мен Айгерім қол көтеріп, дәретханаға қамап қойды. Осы жағдайдан кейін балам қатты күйзеліске түсіп, үйге жылап келді. Бұл әрекеттің себебін түсіне алмадым. Балабақша басшысы жағдайды бақылаусыз қалдырған,» – деп жазды.
Әлеуметтік желідегі бұл шағым қоғамдық назар аударған соң, Қызылорда қаласының Полиция департаменті ресми жауап берді.
«Аталған жариялым бойынша тексеру жұмыстары басталып, қала аумағындағы балабақшада орын алған оқиғаға қатысты Қылмыстық кодекстің 140-бабы 2-бөлігіне сәйкес іс тіркелді. Сараптамалар тағайындалды, тергеу амалдары жүргізілуде,» – деп мәлімдеді.
Қазіргі уақытта балабақшадағы тәрбие процесі, тәрбиешілердің әрекеті мен ата-ананың шағымы бойынша барлық мәліметтер жан-жақты зерттеліп жатыр.
Бұл оқиға қоғамның балаларға көрсетілетін тәрбие мен қарым-қатынастың сапасына және инклюзивті білім беру мекемелерінің бақылауына қатысты сұрақтарын қайта көтеріп отыр.
