56 жастағы әйелдің денесі қараусыз қалған зауыт маңынан табылған, деп хабарлайды Kaztoday.kz КТК телеарнасына сілтеме жасап.
Алматы облысында 56 жастағы әйелдің өліміне байланысты тергеу жұмыстары жүргізілуде. Қайтыс болған азаматшаның туыстары оның денсаулығында мәселе болмағанын айтқан.
Зиванзахан есімді әйелдің мәйітін таңертең ауыл тұрғындары қараусыз қалған кірпіш зауытының жанынан кездейсоқ тауып алған.
«Балалар жүгіріп келіп: «Тәте, бері келіңізші! Мұнда әйел қардың үстінде жатыр, оны көтере алмай жатырмыз» деді. Бәріміз осында келдік. Келініміз тез әрекет етті. Денесі жылы болатын. Біз тірі деп ойладық. Келініміз дереу жедел жәрдем шақырды. Бірақ дәрігерлер оның қайтыс болғанын айтты», – деді Жаңыл Омарова есімді ауыл тұрғыны, ол полицияға хабарлаған.
Туыстарының сөзінше, Зиванзахан сол күні кешке кафеден шығып, үйіне оралмаған. Оны түні бойы іздеген.
«Кешкі 5-те ол кафеден шыққан, үйге дейін шығарып салған дейді. Содан кейін оны ешкім көрмеген. Келесі күні таңертең оны ауыл балалары 10 минуттық жерде – қардың үстінде, БАКАД маңында тапқан. Ол жерде бос жерлер ғана бар. Оның ол жаққа қалай барғаны түсініксіз. Бұл бәрімізге жұмбақ», – деді марқұмның жиені Бахтияр Мақсұтов.
Ауыл тұрғындары жақын жерден әйелдің сөмкесі мен ұялы телефонын тауып алған.
Полицияның сөзінше, марқұмның денесінде зорлық-зомбылық белгілері жоқ. Бүгінде әйелді көрген куәгерлер іздестіріліп жатыр. Олардың айтары жұмбақ өлімнің сырын ашуы мүмкін.
