Павлодар облысына қарасты Мойылды ауылының тұрғындары дабыл қағуда. Шағымданушылардың айтуынша, қоршауы жоқ бейім аумағындағы қабірлерді жылқылар таптап жатқан көрінеді. Ашуға булыққан тұрғындар Павлодар қаласы әкімшілігінен жергілікті зиратты қоршауды талап етеді, деп хабарлайды Kaztoday.kz.
Тұрғындардың айтуынша, қоршаусыз зират ауылдағы малдың көптеп жүретін негізгі жолына айналған. Жайылып жүрген жылқылар, тіпті, өлілер жерленген қабірдің үстімен де жүріп өтеді екен.
«Бұл сұрақты көтеріп келе жатқанымызға екі жыл болды. Мойылды ауылындағы мұсылмандар зиратының қоршауы жоқ. Мәселе қаржыландыруға келіп тіреледі. Осы жолы ТҮКШ бөлімінің басшысында қабылдауда болдым. Ол жерде көбінің туыстары жерленген. Жылқылар жайылып жүреді. Обал емес пе? Жан-жағында қазылған жерде қоқыс жатады. 2025 жылы осы мәселе шешімін тапса, жақсы болар еді», – деді ауыл тұрғыны, зейнеткер Марат Смағқұлв.
Өз кезегінде шаһар басшысы Хасар Хабылбеков аталған сұрақты бюджетті нақтылау кезінде қарастыруға уәде беріп отыр.
