100-ден аса адамға кальян шеккені үшін айыппұл салынды, деп хабарлайды kaztoday.kz.
Алматы полициясы қорқор шегушілерге қатысты ауқымды рейд жұмыстарын жүргізген.
«Темекі өнімдерін пайдаланудағы заң бұзушылықтарды анықтау мақсатында ойын-сауық мекемелерінде жергілікті рейдтер жүргізілді. Барлығы 12 бар, клуб және дәмхана тексерілді. Кальян шеккені үшін 102 адам әкімшілік жауапкершілікке тартылды. Мекемелерден барлығы 96 кальян құрылғысы тәркіленді», – деді Алматы ПД жергілікті полиция қызметі басқармасы бастығының орынбасары Айтан Елеусізов.
ҚР ӘҚБтК-нің 441-бабында көзделген заңбұзушылықтар анықталса, қорқор шегетін адамдарға 15 АЕК мөлшерінде айыппұл салынады. Ал мекеме иелеріне 20-дан 60 АЕК-ке дейін айыппұл салынады.
