Есірткі сатқан адамдар тобы ұсталды, деп хабарлайды kaztoday.kz.
Алматыда ІІМ арнайы операция жүргізіп, есірткі өнімдерін сатты деген күдікпен 9 адамды қолға түсірді. Олардан құны 422 миллион теңге болатын есірткі дайындауға қажетті заттар тәркіленген.
Бұл жөнінде Алматы полиция департаментінің Instagram-дағы парақшасында белгілі болды.
«Жақында Алматы мен Алматы облысының әртүрлі аудандарында синтетикалық есірткінің негізгі құрамдас бөлігі болып саналатын БК-4 прекурсорларын сатумен айналысқан қылмыстық топтың 9 мүшесі ұсталып, қамауға алынды. Ұсталғандардың тұрғылықты жерінде рұқсат етілген тінту кезінде ірі көлемдегі сұйықтық құйылған канистрлер, есірткі заттарын өндіруге арналған зертханалық жабдықтар, ұнтақты заты бар ыдыстар, сондай-ақ қару мен оқ-дәрілерге ұқсас заттар табылды және тәркіленді. Айғақты заттар тәркіленіп, сараптамаға жіберілді», — деді Алматы қалалық полиция департаменті Есірткі қылмысына қарсы күрес басқармасының бастығы Мұрат Жұмабаев.
Тәркіленген 3 тонна 210 литр прекурсорлардың жалпы сомасы 422 миллион теңгені құрап отыр.
Арнайы операция барысында күдіктілердің тауар сақтаған 3 орыны анықталды. Сондай-ақ ұсталғандардың көмегімен қылмыс тобының басқа дам мүшелері анықталып, қамауға алынған.
