Ауруханада істеген мейірбикеден туберкулез анықталған, деп хабарлайды kaztoday.kz KTK арнасына сілтеме жасап.
Телеарнаның хабарлауынша, Ақтөбе облысындағы балалар ауруханасында тексеру жұмыстары жиілеген. 55 медициналық қызметкер әріптесінен өкпе ауруының ашық түрін жұқтыруы мүмкін деген күдікпен тексеруден өткен. Құдай сақтап, барлығы аталмыш дерттен аман екені анықталған.
Сондай-ақ, осы ауруханада ем алған 769 бала рентгеннен өткізіліп, дәрігердің бақылауына алынған.
Ақтөбе облысы балалар ауруханасының бас дәрігері Нұрлан Қожин аурудың қалай белгілі болғанын айтты.
«Өзіміз тексеріс өткізгенде анықталды. Бірден оқшауладық. Қазір емделіп жатыр, әлі он-он екі күн туберкулезге қарсы диспансерде жатады. Жақсы қызметкер. Қыркүйек айынан бастап денсауылғы сыр бере бастады», — дейді бас дәрігер Нұрлан Қожин .
