Қызылорда облысында мемлекет мүддесіне қайшы сот актілері жойылып, 30 миллион теңге өндірілді, деп хабарлайды kaztoday.kz
Қызылорда облысының прокуратурасы ауыл шаруашылығы және жер қатынастары басқармасының бюджет қаражатын пайдалану заңдылығын тексеріп, заң бұзушылықтарды анықтады.
Агроөнеркәсіптік кешенді дамытуға арналған ұлттық жобаны іске асыру үшін бөлінген субсидиялар негізсіз берілген. Шаруашылықтар субсидия алу кезінде шынайы емес мәліметтерді ұсынған.
Сот шешімі
Қызылорда облысының мамандандырылған ауданаралық экономикалық соты заң бұзушылықтар дәлелденгеніне қарамастан, шаруашылықтардан алынған субсидия сомасын кері қайтармай, мемлекет мүддесіне қайшы шешім шығарған.
Нәтиже
Прокуратураның наразылығы негізінде апелляциялық саты соты алғашқы шешімге өзгеріс енгізіп, мемлекет пайдасына 30 миллион теңге өндіріп алды.
