Елімізде қалдықтарды қайта өңдейтін 41 зауыт салынады. Бұл жөнінде Үкімет отырысында белгілі болды, деп хабарлайды Kaztoday.kz.
Үкімет жиынында тұрмыстық қатты қалдықтарды сұрыптау және қайта өңдеу зауыттарын салу мәселесі талқыланды.
Қазіргі уақытта Экология және табиғи ресурстар министрлігінің қарауында жалпы сомасы 307 млрд теңге болатын 65 жоба бар.
— Ұсынылған кәсіпорындардың барлық тізімінен 41 қызмет қоқысты қайта өңдеуге бағытталғанын атап өткен жөн. Олардың жалпы өңдеу қуаты жылына 1,1 млн тоннаны құрайды. Тізімдегі жобалардың барлығын іске асыру 4,5 мыңнан астам жұмыс орнын ашуға және 54,6 млрд теңге жеке инвестиция тартуға мүмкіндік береді, делінген хабарламада.
