Синоптиктер елімізде циклон жүретіні туралы ескертті, деп хабарлайды Kaztoday.kz.
Сала мамандарының ақпараты бойынша, арктикалық суық ауа ағындары Қазақстан аумағына еніп, алдағы үш күнде температураның одан әрі төмендеуі күтіледі.
23-24 қаңтар күндері еліміздің шығыс және оңтүстік-шығыс өңірлеріне Солтүстік-Батыс циклонының жырасы әсерін сақтап қалады. Сондықтан бұл аймақтарда кей жерлерде қатты қар жаууы мүмкін. Ал қалған аумақта жауын-шашынсыз ашық ауа райы күтіліп отыр.
Сондай-ақ республика бойынша бұрқасын, екпінді жел тұрып, көктайғақ болып, тұман түсуі ықтимал.
Синоптиктер арктикалық суықтың әсерінен солтүстік өңірлерде түнде 20-30 градусқа дейін, кей жерлерде 35 градусқа дейін, күндіз 13-20 градусқа дейін қатты аяз болатыны айтып жабыл қағуда.
Ал орталық пен шығыста түнде 20-35 градусқа дейін, ал кейбір аудандарда 40 градусқа дейін аяз күшейеді деп болжанып отыр.
«Оңтүстікте түнде 15-25 градусқа дейін, кейбір жерлерде 28 градусқа дейін қатты аяз болады, күндіз 5 -15 градус шамасында аяз сақталады», — дейді метеорологтар.
