Қарағанды облысында қайғылы оқиға орын алды, деп хабарлайды Kaztoday.kz.
Саран қаласында қарақшы 27 жастағы сатушыға пышақпен шабуыл жасады. Әйел алған жарақаттарынан қайтыс болды.
ZTB NEWS жариялаған қылмыс бейнежазбасында марқұмның қылмыскерге қарсы тұруға тырысқаны көрсетілген. Дегенмен ер адам оның ішіне пышақ сұғып, кассадан ақшаны алып, қашып кеткен.
Расталмаған мәліметтер бойынша, әйел жүкті болған. Полиция бұл ақпаратты әлі растамады, бірақ қылмыстық іс қозғалғанын хабарлады. Марқұмның артында екі баласы қалды.
Күдіктіні іздестіруге облыстық полиция қызметкерлері жұмылдырылды.
«Жедел іздестіру шаралары жүргізілуде. Қылмыстың барлық жағдайлары анықталуда», — деп хабарлады полиция департаменті.
