Қостанай облысында шекараны заңсыз өтпек болған шетелдіктер ұсталды, деп хабарлайды Kaztoday.kz.
Денисов ауданы аумағында мемлекеттік шекараға жақын жерде екі шетелдік азамат қолға түскен.
Олар Қазақстан-Ресей шекарасын ресми өткізу пункттерінен тыс жерден заңсыз өтпек болған. Себебі бұрын Ресей аумағынан көші-қон заңнамасын бұзғаны үшін депортацияланған тұлғалар болып шыққан.
Құқық қорғау органдарының мәліметінше, мемлекеттік шекара режимін бұзған азаматтар әкімшілік жауапкершілікке тартылып, заңнама талаптарына сәйкес Қазақстан аумағынан шығарылды.
