Жамбыл облысында 71 адамды алдап, 33 млн теңгені алаяқтықпен иемденген күдікті ұсталды, деп хабарлайды Kaztoday.kz.
Полицияның мәліметінше, күдікті 35 жастағы әйел алаяқтық қылмысын осымен бірнеше рет қайта жасап отыр.
Ол Тараз қаласында кеңсе ашып, әлеуметтік желілер арқылы қайтарымсыз несие беретіні жөнінде жарнама жасаған. Нәтижесінде оның «қызметін» 71 адам алып, ақшасынан айырылып қалған.
Жәбірленушілер арасында тек Тараз қаласы ғана емес, Жамбыл облысының бірнеше аудандарының да тұрғындары бар.
Қазіргі уақытта күдікті уақытша ұстау изоляторына қамалды.
Жамбыл облысының полиция департаменті осы азаматшаның әрекеттерінен зардап шеккен адамдарды іздестіріп жатыр және оларды полицияға хабарласуға шақырады.
