Ақтөбеде ер адам ұрыларға туысының пәтерін тонауға көмектескен, деп хабарлайды Kaztoday.kz.
Ақтөбедегі пәтерлердің біріне ұры түсіп, үйдегі 10 миллион теңге ақшаны алып кеткен.
Полиция қызметкерлері жедел іске кірісіп, нәтижесінде 4 күдіктіні анықтады. Оларға үй иесінің туысы көмектескен. Яғни, үйде ірі көлемде қолма-қол қаржы бар екенін айтқан. Олар үйге пластикалық терезе арқылы кіріп, арам ойын іске асырған.
Ақшаны ұрлап шыққан соң күдіктілер өз қажеттіліктеріне жұмсаған, несиелерін төлеген. Ойын-сауық орындарына барған.
Қазірде ұсталғандар уақытша ұстау изоляторына қамалды. Сотқа дейінгі тергеп-тексеру жүргізіліп жатыр.
