Дамир Булумбаевтың анасы ұлына көмек сұрап, жедел жәрдемді төрт рет шақырған, деп хабарлайды Kaztoday.kz.
– Фельдшер екі рет баланы ауруханаға жатқызудан бас тартып, оның сырқатын қолдан жасағанын айтқан. Үшінші шақыртуға мүлде келмеген. Тек төртінші рет келгенде ғана оқушыны ауруханаға жеткізген, бірақ тым кеш болған, – деп хабарлайды ekaraganda.kz.
Трагедиядан бірнеше күн бұрын бала суық тиіп ауырған. Дүйсенбі күні мектепке баруы тиіс болған, бірақ жексенбі кешінде аяқтарының сіңірі қатты ауыратынын анасына айтқан.
Анасы дереу жедел жәрдем шақырған. Келген фельдшер баланы тек сырттай қарап, бұлшық еттердегі ауырсынуды психосоматика деп бағалап, қолындағы ісінуге жылы компресс қоюды кеңес еткен. Бірақ бала одан сайын нашарлай түскен.
– «Фельдшер баланың жағдайында ешқандай күрделі мәселе жоқ екенін айтып, өзінің 24 жылдық тәжірибесі бар екенін алға тартқан. Ол Дамирдің сырқатын қолдан жасап отырғанын айтып, өзін дұрыс ұстамаса, психиатриялық жедел жәрдем шақыртатынын ескерткен», – дейді баланың ағасы.
Дәрігердің кеңесі бойынша ыстық компресс қойылған жерде көкшіл дақтар пайда болған. Врач оны қан тамырларының түйілуімен түсіндірген.
Оқиғаның жалғасы сайттағы материалда.
Фото марқұм Дамирдің ағасы Борис Вахрушевтің отбасылық мұрағатынан алынған.
