Алматы әуежайында ер адам пышақпен қорқытып, қызметкерді тұтқынға алған, деп хабарлайды Kaztoday.kz.
Қылмыскер 7 минуттан кейін ұсталды
«2025 жылғы 7 наурызда Алматы халықаралық әуежайының ұшу алдындағы тексеру аймағында орын алған оқиғаға қатысты келесіні хабарлаймыз.
Шамамен сағат 11:45 шамасында ішкі рейстер терминалының (Т1) ұшу алдындағы тексеру аймағына жолаушы ретінде кірген агрессивті ер адам келді. Әуежайдың авиациялық қауіпсіздік қызметінің тексеру қызметкерлері одан құжаттарын көрсетуді сұраған. Алайда, ол күтпеген жерден тексеру қызметкерін шашынан ұстап, пышақпен қорқыта бастады.
Арада 7 минут өткен соң, ер адам әуежайдағы желілік полиция бөлімшесінің (ЛОП) қызметкерлері мен авиациялық қауіпсіздік қызметінің (САБ) мамандарының күшімен қарудан залалсыздандырылып, ұсталды.
Қазіргі уақытта ер адам полиция бөлімінде, оқиға бойынша құқық қорғау органдары тергеу жұмыстарын жүргізуде,» – деп хабарлады әуежай өкілдері.
Дереккөз: Tengrinews.kz
