Түркістан облысында аса ірі көлемде есірткі партиясымен ұсталған қызылордалық тұрғынға қатысты туралы үкім шығарылды, деп хабарлайды kaztoday.kz.
Бас прокуратура дерегінше, ер адам «Қызылорда-Семей» жолаушы поезымен 2 кг-нан астам марихуана тасымалдап келе жатқан.
Түркістан станциясында оны көлік полициясының қызметкерлері жедел шаралар барысында ұстады. Сот оны есірткі заттарын заңсыз сатып алу, сақтау және тасымалдау мақсатында сату үшін жасаған қылмысы бойынша кінәлі деп тапты.
Үкім – 8 жылға бас бостандығынан айыру.
Үкім заңды күшіне енді. Көлік прокуратурасы азаматтарды есірткі бизнесіне тартылмауға және заң мен тәртіп әрқашан бірінші орынға қойылатынын есте сақтауға шақырады.
