Ақсу қаласында қарт адамдарды ұрып-соққан пансионат қызметкері сотталды, деп хабарлайды kaztoday.kz.
Orda.kz. хабарлағандай, Ақсу қаласында «Қамқор» әлеуметтік қызмет орталығындағы қарияларға қатігездік танытқан қызметкерге сот үкімі шықты.
Пансионат қызметкері жүйелі түрде қарияларға физикалық күш қолданған және оларды сырт киімсіз далаға шығарып жіберген. Жәбірленушілердің бірінің жасы 84-те.
Сот айыпталушыны кінәлі деп танып, үш жылға бас бостандығынан айырды.
Айта кетейік, бұған дейін осы іс бойынша Ақсу қаласының прокуратурасы ҚР ҚК 110-бабының 2-бөлігі бойынша сотқа дейінгі тергеп-тексеруді бастаған еді.
