Жамбыл облысында үш бала газдан уланып көз жұмды, деп хабарлайды kaztoday.kz.
4, 6 және 8 жаста. Қайғылы оқиға Меркі ауданында болған.
Бұл туралы @sputnik_aitady арнасы хабарлады.
Анасы балаларын жалдамалы пәтерде тастап кеткен. Үйге оралған кезде газ иісін сезіп, қыздарын ауруханаға жеткізуге тырысқан.
Оқиғаға қатысты Меркі ауданы әкімдігі ресми ақпарат берді.
«2025 жылғы 19 сәуірде Жамбыл облысының Меркі аудандық ауруханасына үш жасөспірім болжам бойынша газбен жағылатын жылыту пешін пайдалану ережелерінің бұзылуы салдарынан улану белгілерімен жеткізілді.
Дәрігерлердің барлық күш-жігеріне қарамастан, балалар есін жимастан жансақтау бөлімінде көз жұмды.
Жамбыл облысының әкімінің тапсырмасымен арнайы жұмыс тобы құрылып, қызметтік тексеру жүргізілуде. Оқиға орнында облыс әкімінің орынбасары және төтенше жағдайлар департаментінің қызметкерлері бар. Сот-медициналық сараптама тағайындалды.
Жергілікті атқарушы органдар тарапынан жерлеу рәсімі ұйымдастырылды. Барлық қажетті әлеуметтік және психологиялық көмек көрсетілуде.
Оқиғаның мән-жайы анықталуда. Қосымша ақпарат беріледі.
Тұрғындарды газды қауіпсіз пайдалану ережелерін қатаң сақтауға және сақтық шараларын ұстануға шақырамыз» — делінген ресми ақпаратта.
