Атырау облысының Қызылқоға ауданына қарасты Сағыз ауылында егде жастағы тұрғынға қатысты жағдай әлеуметтік желілерде кеңінен талқыланып жатыр.
Желіде тараған мәліметтерге сәйкес, қарияның жақындары оның өз ұлы тарапынан ұзақ уақыт бойы қысым мен зорлық-зомбылық көргенін алға тартқан. Олардың айтуынша, қазіргі уақытта қария туыстарының бірінің үйіне орналастырылған.
Сондай-ақ ауыл тұрғындары қарт адамның денесінде көгерген жарақат іздері бар екенін және денсаулық жағдайының күрт нашарлағанын мәлімдеуде.
Әзірге аталған оқиғаға қатысты құқық қорғау органдары ресми түсініктеме берген жоқ. Сондай-ақ қылмыстық іс қозғалғаны немесе қандай да бір тексеру жұмыстарының басталғаны жөнінде ресми ақпарат жарияланбады.
Оқиғаның мән-жайы анықталып жатыр.
