Қарағанды облысында қатты жел салдарынан автобус аударылып қалды, деп хабарлайды Kaztoday.kz.
21 қаңтар күні таңғы уақытта Бастау — Ақтау — Теміртау автожолында, Петровка ауылының маңында Ботақара — Қарағанды бағыты бойынша жүріп бара жатқан №84 маршруттық автобус аударылған.
Алдын ала мәліметтер бойынша, оқиғаға қатты желдің екпіні себеп болып отыр.
Автобустың ішінде 17 жолаушы болған.
Зардап шеккендер жоқ. Полиция қызметкерлері оқиға орнына жылдам жетіп, жолаушыларға көмек көрсетіп, үйіне жетуіне мүмкіндік жасады.
