Қазақстандық ата-аналар одағы мен ЛГБТ ұйымының арасында дау шықты, деп хабарлайды Kaztoday.kz.
Алматыда «Феминита» ұйымы құқық қорғау мектебінің іс-шарасын ұйымдастырған. Жиын кезінде «Қазақстандық ата-аналар одағының» жетекшісі Бағила Балтабаева бастаған топ шараға кіріп, полиция шақыртуға мәжбүр болған.
Іс-шарада «Феминита» ұйымының негізін қалаушылардың бірі Жанар Секербаева қонақтарға орын ұсынып, ақпарат алуға шақырған. Алайда олар барлығын видеоға түсірген.
Бағила Балтабаева ұйымдастырушыларға: «Мұндай мектептерді қандай негізде ашып жатырсыздар? Ақша жұмсап қалудың амалы ма?» деп сұраған.
Жиын барысында Бағила Балтабаева барлық ЛГБТ белсенділерінің іс-шараларына қатысатынын және полицияға хабарласқанын айтып, шараға кәмелетке толмағандар қатысып отырғанын мәлімдеді. Жанар Секербаева мен оның әріптесі Гүлзат Сержан полицияға шақырылып, оларды бөлімшеге алып кетті.
