Ақтөбе облысының Қобда ауылында соядан жасалған тіскебасардан уланған бір сыныптың 23 оқушысы түгел ауруханадан шықты, деп хабарлайды Kaztoday.kz.
Дәрігерлер «оқушылардың өмірі мен денсаулығына ешқандай қауіп жоқ» дейді.
Azattyq хабарлағандай, Қобда аудандық ауруханасының бас дәрігері Мақсат Қапашевтың сөзінше, жедел жәрдемнің үш көлігі бір сыныптың оқушыларын 18 ақпанда сағат 15.00 шамасында ауруханаға жеткізген. Ол кезде балалардың көзінен жас парлап, лоқсып жатқан. Денелері бөртіп, бастары айналған.
Аудан әкімдігінің хабарлауыгша, бір сынып түгел уланып қалған тіскебасарды оқушылардың бірі мектептен тысқары жерден сатып алған.
Осы оқиғадан соң Ақтөбе облысы санитария-эпидемиология бақылау департаменті облыс аумағындағы 45 дүкенге мониторинг жүргізіп, екі дүкеннен күмәнді өнімді тапқан.
