Ұстаздар жалған куәлікпен жұмысқа орналасқан, деп хабарлайды Kaztoday.kz.
Бейнеу ауданы прокуратурасы жалған куәлікпен жұмысқа орналасқан педагогтарды анықтады
Бейнеу ауданында ұстаздар жалған кәсіптік даярлықтан өту куәлігін дайындатқан.
Аталмыш заңсыздықты аудандық прокуратура анықтаған.
Мысалы, «Ә» есімді педагог 2024ж. наурыз айында SDU University университетінің (Алматы қ.) «Арнайы педагогика» мамандығы «логопед-дефектолог» біліктілігі бойынша қайта даярлау курсынан өткені туралы жалған куәлігін пайдалану арқылы, мектепте «педагог-психолог» лауазымында жұмыс жасаған, делінген хабарламада.
Сондай-ақ, осыған ұқсас деректер аудандағы орта білім беру ұйымдарындағы 6 педагогтен анықталған.
Қазіргі уақытта сот үкімі бойынша 7 мұғалім Қылмыстық Кодекстің 385-бабы 3-бөлігімен кінәлі деп танылып, оларға айыппұл жазасы тағайындалды.
