Аудандық білім бөлімінің бас есепшісі 8 жылға сотталды, деп хабарлайды kaztoday.kz.
Талдықорғанда аудандық білім бөлімінің бас есепшісі 8 жылға сотталды. Сонымен қатар, екі есепші мен «Қазпошта» қызметкері де жауапқа тартылып, әрқайсысы 7 жылға бас бостандығынан айырылды. Олар қызметкерлерге артық еңбекақы аударып, қарапайым схема арқылы 1,6 миллиард теңге жымқырған.
Сот бұл істен бөлек пара беру әрекетін де жеке қарады. Балабақша меңгерушісі мен есепші аудиторға тексеріс жүргізбеуі үшін «келісуге» тырысқан. Аудитор ақшаны алған. Үшеуі де айыппұлмен жазаланды.
Барлық сотталғандар мемлекеттік қызметте және квазимемлекеттік секторда өмір бойы жұмыс істеу құқығынан айырылды.
