Қостанай облысының Прокуратурасы кәмелетке толмаған жасөспірімді өлтіру қылмысы бойынша айыптау актісін бекітті, деп хабарлайды kaztoday.kz.
Тергеу барысында белгілі болғандай, биыл 9 қаңтар күні Қостанай қаласының тұрғыны бірге тұратын әйелінің кәмелетке толмаған ұлын аса қатыгездікпен өлтірген.
Ер адам бұрын бірнеше рет сотталған.
Күдіктінің іс-әрекеттері қылмыстық кодекстің 99-бабы 2- бөлігінің 3, 5,14 тармақтары, 108-1-бабы 1-бөлігі, яғни аса қатыгездікпен жасалған кісі өлтіру, кінәлі адам үшін дәрменсіз күйдегі көрінеу кәмелетке толмаған адамға қатысты және денсаулығына жеңіл зиян келтіру бойынша сараланады.
Ер адам заңға сәйкес он бес жылдан жиырма жылға дейінгі жазаны немесе өмір бойына бас бостандығынан айырылуы мүмкін.
