Құқық қорғау органдарының өкілдері кәмелетке толмағандардың порнографиясын анықтады, деп хабарлайды kaztoday.kz.
Түркістан облысы прокуратурасының мәліметінше, «Telegram» әлеуметтік желісіне талдау жүргізу барысында порнографиялық сипаттағы, оның ішінде кәмелетке толмағандардың қатысуымен фото, бейне материалдарды көруге арналған ақылы арна тапқан. Онда 2500 теңгеге порнографиялық бейнероликтер, кәмелетке толмағандар мен мектеп оқушыларына қатысты материалдар ұсынылған.
Прокуратураның ақпаратына сәйкес, сайтта барлығы 8012 жазылушы тіркелген.
Желі аудиториясы Қазақстан және ТМД елдерінің жазылушылары. Арнайы іс-шараларының нәтижесінде сайт ұйымдастырушылары мен қарау, кіру және жазылу үшін ақша төленетін дроперлер анықталды. Биыл 14 наурыз күні облыс прокуратурасының үйлестіруімен Ұйымдасқан қылмысқа қарсы күрес басқармасымен аталған топ мүшелері Түркістан және Қызылорда облыстарында ұсталды, делінген жазбада.
Ұйымдастырушы бұған дейін ауыр қылмыс жасағаны үшін сотты болған, қазіргі таңда ол қамауға алынған.
Аталған фактілер бойынша Қылмыстық кодекстің 311-бабы және 312-бабы 1-б. бойынша сотқа дейінгі тергеп-тексеру басталған.
