Қазақстандық блогерлерге лоторея ойнатқаны үшін айыппұл салынатыны ескертілді, деп хабарлайды kaztoday.kz.
Ұлттық экономика министрі Серік Жұманғарин блогерлерге лотерея өткізуге болмайтынын ескерткенін мәлімдеді.
Министрдің айтуынша, ұтыс ұйымдастырылмас үшін интернет кеңістігі тәулік бойы бақылауда болады.
«Жыл басынан бері мониторинг барысында 1870 интернет-алаяқтық фактісі анықталды.Оның ішінде 389 факті әлеуметтік желіде болса, 1480 ресурс пен сілтемеге кіруге шектеу қойылған. Онлайн-казино қызметі бойынша 8616 жағдай анықталды, оның 6399-ы әлеуметтік желілерде, 2195 интернет-ресурстар мен сілтемелерге шектеу қойылды.», – деді Жұманғарин.
Құмар ойындар мен лотереяларды реттеу комитеті заң бұзғандардың табысын тәркілеп, 7,8 миллион теңгеге дейін айыппұл салады.
Өткен жылдан бері 113 адам жауапкершілікке тартылып, айыппұлдың жалпы сомасы 50 миллион теңгеден асқан.
Айта кету керек, вице-премьер оператор өткізетін лотереялардан басқа лотереяларды өткізуге тыйым салатынын еске салды. Қазақстанда лотерея өткізу құқығы тек «Сәтті Жұлдыз» акционерлік қоғамына берілген.
