16 жастағы Шерзат Болаттың әкесі Қаржаубай Нұрымов 15 тәулікке әкімшілік қамауға алынды. Сот мәліметінше, ол қоғамдық орында тәртіп бұзып, полиция қызметкерлеріне құрметсіздік көрсеткен. Сонымен қатар, Шерзаттың туыстары да әкімшілік жауапкершілікке тартылды. Оның әпкесі ұсақ бұзақылық үшін айыппұл төлесе, тағы бір туысы бейбіт жиналыстарды ұйымдастыру тәртібін бұзғаны үшін қамауға алынып, кейін елден шығарылады.
Бұл оқиғалар 16 жастағы Шерзат Болаттың жаппай төбелес кезінде қаза табуымен байланысты жағдайдан кейін орын алды. Құқық қорғау органдары бұл істе 11 күдіктіні қамауға алып, тергеу амалдарын жалғастыруда.
Полиция азаматтарды тек ресми дереккөздерге сенуге және жалған ақпарат таратпауға шақырады.
