Ақтөбеде құрылыс компаниясы үлескерлерден 421 млн теңге ұрлаған, деп хабарлайды kaztoday.kz.
«Жилище» құрылыс компаниясының төрағасы 75 үлескерден тұрғын үй құрылысына 421 миллион теңге ақша алған. Алайда ол уәде етілген үйді салмаған. Ақтөбе облысы прокуратурасының мәліметінше, қылмыстық іс 2 сәуірде сотқа жолданды.
Айта кету керек, Ақтөбе облысында 11 проблемалық үлескерлік құрылыс бар. Олар бойынша 745 жәбірленуші анықталған. Ал келтірілген залал – 5,6 млрд теңге.
Өткен жылы 5 құрылыс компания басшысы 8 нысан бойынша қылмысқа тартылып, 6 жылға сотталды. Прокуратурамен, азаматтық тәртіпте соттарға 2 талап-арыз жолданды, яғни 159 үлескердің мүддесі үшін, сатып алу шарттарын жарамсыз деп танып, үлескерлердің пайдасына 2 млрд теңге өндіру талап етілген. Одан басқа, 600 үлескердің мүддесі үшін тағы 6 талап-арыз жолданады, деп мәлімдеді Ақтөбе облысының прокуроры Марат Әбішев.
