1498 радикалды ұйымдарға мүше шетелдік елімізге келмек болған, деп хабарлайды, Kaztoday.kz.
Бұл жөнінде президент қабылдауында болған ҰҚК төрағасы Ермек Сағымбаев мәлімдеді.
Оның сөзінше, 43 адам лаңкестік пен діни экстремизм бабы бойынша сотталған. Заңсыз айналымда жүрген 282 атыс қаруы, 48 граната мен 4586 оқ-дәрі тәркіленген. Сондай-ақ, есірткі өндіретін 12 зертхана, 13 халықаралық және 12 өңірлік тасымал арнасы жойылған. Мемлекеттік және құқық қорғау органдарында жұмыс істейтін 15 лауазымды тұлға құрықталған. Мемлекеттік органдардың ақпараттық жүйесіне 796 млн кибершабуыл жасалған.
