Астанадағы “Орбита” тұрғын үй кешенінде ауыр қылмыс тіркелді. Ер адам бірге тұратын әйелін өлтіріп, кейін 25-қабаттан секіріп кеткен, деп хабарлайды Kaztoday.kz.
Оқиға балалардың көз алдында болған.
Алдын ала мәлімет бойынша, ерлі-зайыпты ретінде бірге тұрып жатқан азаматтар арасында тұрмыстық жанжал туындап, ер адам әйелге бірнеше рет пышақ сұғып, ауыр жарақат салған. Жәбірленуші жедел жәрдем келгенге дейін көз жұмған.
Қайғылы оқиғадан кейін ер адам өз-өзіне қол жұмсамақ болып, көпқабатты үйдің 25-қабатынан секіріп кеткен. Ол төмендегі тұрақта тұрған көліктің үстіне құлаған. Қатты жарақат алғанына қарамастан, ол тірі қалған және ауруханаға жеткізілген.
Астана қалалық полиция департаменті аталған факті бойынша Қылмыстық кодекстің тиісті баптарымен іс қозғалғанын хабарлады.
Тергеу амалдары жүргізіліп жатыр.
