Жамбыл облысында 19 жастағы Мадина Рашидқызының қайтыс болуына қатысты қылмыстық іс бойынша тергеу басталды.
Марқұмның құрбысының айтуынша, Мадина отбасындағы жанжалдар мен өзіне күш қолданылғанын бірнеше рет айтып жүрген. Оның сөзінше, соңғы жанжал тұрмыстық болмашы себеп — «Барни» тәттісіне байланысты туындаған. Осы оқиғадан кейін жас ана ажырасуға шешім қабылдап, жеке заттарын жинай бастаған.
Арада көп уақыт өтпей, Мадинаның көз жұмғаны белгілі болды. Артында сегіз айлық сәбиі қалды.
Қазіргі таңда оқиғаның барлық мән-жайын құқық қорғау органдары анықтап жатыр. Тергеу нәтижесінде болған жағдайға құқықтық әрі әділ баға беріледі.
