Өзбекстанның Ташкент облысында әйелі мен екі жасар қызының өмірін қиған 28 жастағы ер адамға қатысты сот үкімі шықты.
Іс материалдарына сәйкес, ер адам үйіне мас күйінде келіп, 24 жастағы жұбайын тұншықтырып өлтірген. Кейін екі жасар қызына жыныстық зорлық-зомбылық көрсетіп, бүлдіршіннің де өмірін қиған.
Қылмысын жасыру үшін қызының денесін спорттық сөмкеге салып, әкесінің үйіне апарған. Кейін оны ауладағы әжетханаға тастаған. Баланың мәйіті күдікті ұсталғаннан кейін табылды.
Сотта айыпталушы кінәсін мойындамағанымен, жиналған дәлелдер оның қылмысын растады. Нәтижесінде ер адам ерекше режимдегі түзеу мекемесінде өмір бойына бас бостандығынан айыру жазасына кесілді.
Ана мен баланың өз шаңырағында, қорған болуы тиіс адамның қолынан қаза табуы адам жанын түршіктіретін қасірет.
