901 адам өлім жазасына кесілген, деп хабарлайды kaztoday.kz.
Біріккен Ұлттар Ұйымы былтыр Иранда 901 адам өлім жазасына кесілгенін мәлімдеді. Бұл соңғы 9 жылдағы ең жоғарғы көрсеткіш саналып отыр.
2023 жылы 853 өлім жазасы орындалған.
БҰҰ-ның Адам құқықтары жөніндегі Жоғарғы комиссары Фолькер Тюрк «Иранда өлім жазасына кесілгендер саны жыл өткен сайын көбейіп бара жатқаны алаңдатынын» айтқан.
«Өлім жазасы өмір сүру құқығымен үйлеспейді және жазықсыз адамдардың жазалану қаупін тудырады. Сонымен қатар, өлім жазасы адам құқықтары саласындағы халықаралық нормалармен қорғалған әрекеттер үшін ешқашан қолданылмауы тиіс», – деді ол.
