Қайырымдылыққа жіберілген kaspi-аударымдар бақылана ма? Бұл туралы тиісті сала өкілдері жауап берді, деп хабарлайды kaztoday.kz.
ҚР қаржы министрлігінің жеке тұлғалардың кірістерін әкімшілендіру басқармасының бас сарапшысы Ерсайын Көптілеуұлының сөзінше, ол салықтандыруға жатпайды.
Садақа, қайырымдылық, емдік шараларға расында да, мобильді аударымдар арқылы қаражат жинап жатады. Бұл кәсіпкерлік мақсатта жиналып жатқан қаражат емес. Яғни, ол салықтандыруға жатпайды. Біз жоғарыда айттық – тек кәсіпкерлік мақсатқа пайдаланғандар бақыланады. Егер емдік шараларға қаражат жинаса, тиісінше емдік құжаттар болады. Хабарлама жолдануы мүмкін, жолданса дәлел құжаттар арқылы ол азамат түсініктеме береді, – дейді ол.
