Мәжіліс депутаты Ринат Зайытов «көлікті 5 минуттан артық қыздырғандарға айыппұл салу» туралы пікірін білдірді, деп хабарлайды kaztoday.kz.
Депутат алғашында «айыппұлдың бұл түрін орындау үшін біреу біреуді видеоға түсіріп алып, арыз жазу керек, мұнымен кім айналысып жүреді» деді. Алайда алғашқы айыппұлдың салынғанын естігеннен кейін «ақылға қонбайтын нәрсе» екенін тілге тиек етті.
Айыппұлды сала бергеннен, қоғамды ызаландырғаннан басқа түк таппайды. Жалпы айыппұлдар жүйесін қайта қарау керек. «Бюджетте ақша жетіспейді» дейді, менің уәжім, қарапайым халықты қанай бергенше, көбірек ұрлағандардан қайтарту керек. Бюджеттің жетіспеушілігін солай да толтыруға болады, деді депутат Ринат Зайытов.
