Ресейдегі «Вагнер» жеке әскерінің қатарында соғысқан жезқазғандық сотталды, деп хабарлайды kaztoday.kz.
Сәтбаев қалалық соты шетелде қарулы қақтығысқа және шетел мемлекетінің аумағындағы әскери әрекеттерге заңсыз қатысқан «Г»-ға қатысты үкім шығарды. Сот оны бейбітшілік пен адамзат қауіпсіздігіне қарсы ауыр қылмыс жасаған деп таныды.
«Г. Қазақстан азаматы болса да, БАҚ пен интернет арқылы шетелдегі қарулы қақтығыс жайлы хабардар болып, идеологиялық мақсатты көздеп, әкесі Харков қаласының тумасы болғандықтан және шетел билігі орыс ұлтының құқықтарын шектеп жатыр деп санап, «В» жекеменшік әскери компаниясының құрамында қарулы қақтығысқа қатысу идеясын жүзеге асырмақ болған» дейді сот.
Сот «Вагнер» тобы ай сайын 240 мың рубль (шамамен 2,4 мың доллар) және қаза тапқан жағдайда досы «С»-ға 5000 рубль көлемінде қаржылай өтемақы береміз деп уәде берген.
Г. алдымен ЖӘК-тің артиллериялық әскери бөлімінің қару-жарақ қоймасында жұмыс істеп, 2022 жылдың 6 желтоқсанынан бастап 2023 жылдың 6 шілдесіне дейін «Вагнердің» соғысатын бөлімшесінде болған. Ол осы жылы шілдеде Астанаға қайтып оралған.
Сот үкімі заңды күшіне енген жоқ.
