Зорланғанын айтқан 15 жастағы қызды анасы малшыға беріп жіберген, деп хабарлайды kaztoday.kz.
Нағашысынан зорлық көргенін айтып шағымданған қызын анасы қорғаудың орнына айыптаған. 15 жасында жүкті болып қалған қызды еркінен тыс малшыға ұстатып жіберген.
Бұл оқиға жөнінде құқық қорғаушы Ләззат Рақышева айтып, дабыл қақты. Оның сөзінше, қыз құқық қорғаушыға хат жазған. Әкесі көз жұмғаннан соң анасы екеуі нағашыларының үйіне барып тұрған. Ал анасы жұмысқа кеткен сайын ер адам қызды зорлаған. 15 жасында жүкті болғанын білген анасы қызды айыптап, түсік жасатқан. Одан соң малшыға беріп жіберген. Ол қызды терезесі жоқ үйде қамап ұстап, 1 апта зорлық жасаған.
Өзіне жасалған мұндай әрекеттерден кейін қыз әділдік іздейді.
«12 жастағы бала полицияға “зорландым” деп барған , неге сол кезде баланың құқығы қорғалмаған?? 15 жасында екі қабат болып анасы түсік жасатқан , неге осы уақытқа дейін бала 10 рет суицид жасады? Біздегі ақпаратқа сәйкес, 8 жасынан бастап нағашымнан зорлық көрдім деген қыздың арызы осы уақытқа дейін сотқа дейінгі тергеп-тексерулердің бірыңғай тізіміне тіркелмеген, бүгін 6 шы күн! Егер бала зорланғанын айтпаса айтпады дейді, зорланғанын айтса ешкім сенбейді!”, — деп жазды құқық қорғаушы.
