Алматы облысында 7 тонна есірткі тәркіленіп, 19 есірткі зертханасы жойылды және 77 адам сотталды, деп хабарлайды Kaztoday.kz.
Былтыр Алматы облысы прокуратурасы құқық қорғау органдарымен бірлесіп, «Нашақорлыққа жол жоқ» жобасы аясында жұмыс жүргізген. Нәтижесінде есірткі қылмысына қатысты барлығы 223 қылмыстық іс тіркелген. 19 есірткі зертханасы жойылып, заңсыз айналымнан 7 тоннадан астам есірткі заттары тәркіленді.
Оның ішінде
— 216 кг синтетикалық есірткі,
— 10 кг кокаин,
— 0,77 кг героин бар.
Қылмысқа қатысы бар 90-нан астам адам жауапкершілікке тартылып, 77 адам сотталды, делінген хабарламада.
