Алматы облысында бірнеше рет жылқы ұрлаған адам ұсталды, деп хабарлайды Kaztoday.kz.
Полицейлер мал ұрлығы бойынша 35 жастағы адамды ұстады. Күдікті жайылымнан 9 бас жылқы ұрлады деп айыпталып отыр.
Бес жылқысы ұрланған тұрғын полицияға арызданған. Жедел іздестіру жұмыстарының нәтижесінде ұрланған малдың үшінші бір адамға сатылғаны анықталды. Сатып алушылар мән-жайды айтып, шындықты мойындаған. Шығын көлемі — 1,9 миллион теңге.
Одан кейін полицияға тағы бір тұрғын жылқыларының жоғалғанын айтып шағымданған. Құзырлы орган өкілдері бұл жолы да малдың сатылып кеткенін нақтылаған. Шығын — 2,2 миллион теңге.
Аталған деректер бойынша полицияда қылмыстық істер тіркелді. Соттың санкциясымен күдікті қамауға алынды. Оның осыған ұқсас басқа да қылмыстарға қатысы бар-жоғы анықталуда.
