Еліміз бойынша алаяқтық қылмысы артқан, деп хабарлайды Kaztoday.kz.
Жалпы 2024 жылдың қорытындысы бойынша қылмыстық құқық бұзушылықтарды тіркеу 140 272-ден 132 778-ге дейін, яғни 5 пайызға төмендеген.
Бас прокуратураның мәліметінше:
- адам өлтіру 591-ден 566-ға дейін,
- денсаулыққа ауыр зиян келтіру 1806-дан 1627-ге дейін,
- тонау 2030-дан 1551-ге дейін,
- ұрлық 42639-дан 30593-ке дейін,
- мал ұрлау 1520-дан 151-ге дейін,
- кәмелетке толмағандардың қол сұғылмаушылығына қарсы қылмыстар 876-дан 874 дейін,
- жасөспірімдер қылмысы 1 925-тен 1 890-ға дейін қысқарған.
Былтыр алаяқтық қылмысы көбейген. Яғни бұл қылмыстың тіркелуі 44 786-дан 45 156-ға дейін артып отыр. Әсіресе интернеттегі алаяқтық 5%-ға (21 777-ден 22 870-ке дейін) өсті.
Құзырлы орган өкілдері мұндай құқық бұзушылықтардың негізгі бөлігі телефон арқылы жасалатын алаяқтықпен басталып, кейіннен зардап шеккендерге несие ресімдеумен аяқталатынын мәлімдеді.
