Қарағандыда В.И.Ленин атындағы кинотеатр мемлекетке қайтарылды, деп хабарлайды Kaztoday.kz.
Тарихи-мәдени мұраны сақтау — болашақ ұрпақ алдындағы міндетіміз. Қала тарихының ажырамас бөлігі болып табылатын Қарағанды қаласының В.И. Ленин атындағы кинотеатры мемлекет меншігіне қайтарылды, делінген Қарағанды облыстық прокуратурасының ресми сайтындағы жазбада.
Кинотеатр 1960 жылы ашылып, жүйелі жұмыс жүргізілген. Қарағандыдағы алғашқы екі залды кең экранды кинотеатрда жоғары деңгейдегі премьералар, фестивальдар мен кинофорумдар өткізілген. Бірақ 1998 жылы ғимарат тарихи-мәдени ескерткіштер тізімінен заңсыз шығарылып, жекешелендірілген.
Бірнеше айға созылған соттың нәтижесінде кинотеатрды мемлекет меншігіне қайтару туралы шешім қабылданған.
