Ираннан Қазақстанға заңсыз жолмен темекі мен табак тасымалдаған адам сотталды, деп хабарлайды Kaztoday.kz.
Ақтау қалалық соты Қазақстан азаматын қылмыстық топ құрғаны және оған басшылық жасағаны үшін 10 жылға бас бостандығынан айыруға үкім етті
2016-2018 жылдар аралығында адамдар топ құрып, құрылыс материалдарын жеткіземіз деген желеумен Ираннан Қазақстанға кеден шекарасы арқылы құны 1 млрд теңгеден асатын темекі мен табак тасымалдаған.
Қылмыстық топтың мүшелері бұған дейін заң алдында жазаға тартылған. Ал ұйымдастырушысы халықаралық іздеуде болған. Оны Әзірбайжан Республикасынан экстрадициялады.
Ақтау қалалық соты ұсталған азаматты қылмыстық топ құрғаны және оған басшылық жасағаны үшін 10 жылға бас бостандығынан айыруға үкім етті.
Сот үкімі заңды күшіне енген жоқ.
