14 жастағы қызын өлтірген ерлі-зайыптыларға сот үкім шығарды, деп хабарлайды Kaztoday.kz.
Қыз баланың мәйіті өткен жылдың қаңтар айында Текелі тауларынан табылған. Марқұмның денесінде зорлық-зомбылық белгілері болған.
Қылмысқа анасы мен өгей әкесі айыпталған.
Ерлі-зайыптылар кінәларын мойындап, қылмыстың егжей-тегжейін баяндаған. Сот бұл қылмыстың ерекше қатыгездікпен жасалғанын анықтады.
Өгей әкесі төтенше қауіпсіздік мекемесінде жазасын өтей отырып, өмір бойына бас бостандығынан айырылды.
Қыздың анасы 19 жылға бас бостандығынан айырылып, жазасын орташа қауіпсіздік мекемесінде өтейтін болады.
